Txarriboda Artziniegako Museo etnografikoan

Artea etnografia elkarteak urteak daramatza –edo, hobe esanda, dagoeneko hamarkadaren bat- Artziniega eta eskualdeko ohiturak eta usadioak ikertzen, berreskuratzen eta herriari erakusten. Zalantzarik gabe azken urteotan ekintza eta jarduera horien guztien artean arrakastatsu bat eta jendetsuenetako bat udagoien amaieran egiten den txarriboda dugu. Txarribodan, esan beharrik ez dago, “txarria” da protagonista, baserri-etxeetako aberastasunik handiena, eta oraindik badira gurean ohitura horri eusten dioten baserritarrak. Txerria hiltzea dela esaten badugu, gero okela eta txerriki guztiak aprobetxatzeko, labur geratzen gara, hori baino askoz gertaera zabalagoa zen eta, izaera sozial handikoa. Artziniegan, gainera, txerriaren aprobetxamendu hori industria jarduera ere bihurtu zen, eta horren adibide da XX. mendean Avelina Torrek