Zuhatza eta Salmantoneko jaiak ospatuko dira asteburu honetan

Larunbatean Zuhatzako jaiak hasiko dira eta igandean Salmantonekoak. Musika, mus txapelketa edota batukada dira bi herriek prestatu diztuten jarduera batzuk.

Larunbatean 16:00etan, eta herriko jaiei hasiera emateko, Pezukera jaitsiko da Zuhatzara. 17:30ean mus txapelketa egongo da eta ondoren, 19:00etan Patata tortilla txapelketa. 20:00etan Aiara Dantza Taldeak emanaldia bat emango du eta gaueko 23:00etan dantzaldia izango da Laket taldearen eskutik.

Hurrengo egunean, uztailaren 17an, Meza ondoren anaiarteko bazkaria egongo da eta 17:30ean Bingo eta haurrentzako jolasak. Astelehenean Zuhatzako jaien azken egunean, eta meza ondoren, Triki poteoa egingo da 13:30etatik aurrera.

Bestalde, uztailaren 17an, igandea, Salmantoneko jaiak hasiko dira herriko gazteek egindako danborrada batekin 11:00etan. 13:30ean Euskal dantzak izango dira eta 16:30ean IX. Mus txapelketa. Eguna 20:00etan bukatuko da odoloste eta txistorra dastatze batekin.

Hurrengo egunean, astelehena, meza ostean txikiteo herrikoia eta botila eta tarta baten zozketa egingo da 14:00etan. 16:00etan Kalejira izango da eta 19:30ean adin guztientzako “Gran Mago”-k erakustaldia egingo du. 23:00etan Hakker taldearen eskutik berbena egingo da eta 01:30ean batukada egongo da. Mozorroturik daudenentzako gainera, sariak egongo dira.