Ondasun Higiezinen gaineko Zerga 0,2-0,25 artekoa izango da
Irudiak
Omnia, PSE, Bildu eta EAJ behin betiko akordio batera heldu ziren atzo aurkeztutako mozioaren bitartez. Mozio honi esker Ondasun Higiezinen gaineko Zerga 0,2-0,25 artekoa izango da. Hilabete honetan sortu behar den udal talde teknikoak erabakiko du kopuru zehatza.
Zenbatekoa zehaztu ondoren, Udalak hartuko du herritar guztiak informatzeko eta laguntzeko ardura. Aldi berean, araudi foralak posible egiten dituen hobariak ezarriko dira.
Eztabaida gogorra
Nahiz eta talde gehienek mozio hau babestu zuten -PP bakarrik abstenitu zen-, atzoko ezohiko udal osoko bilkura polemikoa izan zen. EAJko bozeramaleak piztu zuen eztabaida. Mikel Lasak Bildu udal taldeari egotzi zion OHZ eragindako alarma soziala. PSEk, Bilduk eta Omniak gertatutakoaren inguruan beste bertsio bat defendatu zuten eta batipat Arabako Foru Aldundiaren eta, neurri txikiago batean, udal talde guztien errua izan zela adierazi zuten.
Dena den, alderdi gehienak pozik agertu dira azkenean, OHZren arazoa elkarlanean konpondu dute eta.
Gehitu iruzkin bat