Maddalen jaiak hasiko dira bihar
Irudiak
Bihartik, uztailaren 22a, eta igandera bitartean Maddalen jaiak ospatuko dira. Abuztuan gainera, Domingo Deunaren eta Lorentzo Deunaren ohorez egindako jaiak ere izango dira.
Uztailaren 22an, ostirala, eguna 9:00etan hasiko da herriko txistularien kalejira batekin, eta 12:30ean Meza izango da Santa Mª Magdalenaren ohorez. Ondoren, Aiara Dantza Taldearen ikuskizuna egongo da. 19:00etan herriko pilota eskolaren eskutik goma paleta partidua izango da eta 20:00etan profesionalen eskuzko pilota partidua. 23:00etan dantzaldia egongo da Disko Festa-ren eskutik.
Uztailaren 23an, larunbata, Bolo Txapelketa egingo da 11:30ean eta 18:00etan eta haur parkea jarriko dute 16:00tatik aurrera. 22:00etan Arizgoiti taldeak joko du. Uztailaren 14an, igandea, 18:00etan Emakumeentzako bolo txapelketa egingo dute.
Bestalde, Domingo Deunaren jaiak abuztuaren 8an, astelehena, izango dira. 09:00etan herriko txistulariek kalejira bat egingo dute eta ondoren meza egongo da. 13:00etan haurrentzako Junpin eta gaztelu bat jarriko dituzte eta 14:30ean herri bazkaria izango da baselizaren zelaian. 17:00etan briska txapelketa egongo da eta 21:00etan jende guztiarentzako odolosteak jarriko dituzte. Gaueko kontzertua 23:00etan hasiko da eta Ganeko taldeak joko du.
Azkenik, Abuztuaren 10an, asteazkena, Lorentzo Deunaren ohorez jaia ospatuko dute Luiaondon. 09:00etan herriko txistulariek kalejira bat egingo dute eta ondoren meza egongo da. 14:30ean herri bazkaria izango da baselizaren zelaian eta 17:00etan tute txapelketa egongo da. 18:30ean Iñaki eta Inazio Perurena harri jasotzaileen erakustaldia eta Fausto Mugueza herri kirolariaren erakustaldia ikusiko da. Gaueko kontzertua 22:00etan hasiko da eta Ganeko taldeak joko du.
Gehitu iruzkin bat