Gaztetxeen aldeko Euskal Herriko bizikleta martxak Aiaraldea zeharkatuko du

"Euskal Herriari bira gaztetxez gaztetxe" lemapean Euskal Herriko gaztetxe eta gazte asanbladen koordinadorak bizikleta martxa antolatu du abuztuaren 6tik 19a bitarte. Hamahiru egunetan zehar, Euskal Herri osoko gaztetxe desberdinetan geldialdiak egingo ditu. Aiaraldetik abuztuaren 7an igaroko da. Izan ere, Bilboko Kukutza gaztetxetik Laudioko gaztetxerainoko bidea egingo dute martxistek. Bertan lo egin ondoren Gasteizerantza abiatuko dira.  Era honetan nahi dute gazte asanbladen lana jendarteratu eta gaztetxe desberdinak ezagutaraztea.