David Hidalgok bere asmoetan irmo mantenduz, ziklokrossaren munduko izen nagusi bihurtu nahi du

David Hidalgo, Aiarako txirrindularia, bere asmoetan irmo mantentzen da. Aiarako elkarte batek patrozinatzen eta babesten duen taldearen pean, ziklokrossean erabat zentratuko da, horretarako bere indar eta denbora guztia erabiliz, eta errepideko txirrindularitza ahaztuxea izanik.

Aiara osoko "ziklokrossman" onena da, Europako iparraldean deitzen zaien gisa, eta Sub-23 mailan emaitza bikainak lortu ditu aurten Laudio, Ametzaga, eta Igorren. Laudion garaipen erraza eta polita erdietsi zuen, bere zaleen eta familiakideen aurrean, eta Igorren ere, munduko kopa eta  Euskal Herriko txapelketarik handiena den horretan, garaipena lortu zuen. Horretaz aparte, bigarren geratu zen Euskal Herriko txapelketan, Espainiako estatuko txapeldun handiaren atzetik.

Davidek gurekin hitz egin du, eta artikulu hau beragan interesatuta egon ahal diren patrozinatzaileei deia egiteko idatzi dugu. Euskal Herrian zehar zabaldu nahi du bere izena.

"Txikitan, Lantenon, nire jaioterrian, orduak ematen nituen bizikleta zahar batekin, eta lehen Peugeot zahar batekin asmoa bakarrik zena, errealitate bihurtzeko bidean nago. Amurrioko eskolan hasi nintzen, zelako garaiak! hortik aurrera dena eromena izan da. Sopelako Lubekon eta Naturgasen egon nintzen, baina errepidea ez zen nirea. Aurten nire etxera bueltatu naiz, Aiarako taldera eta ziklokrossera", dio Hidalgok ilusioz.

Errepideko denboraldia hastear dago, eta berak aprobetxatu nahi du ziklokrossetik dakarren sasoi ona. "Aldi honetako helburua hiru hilabetetan konpetitzea da, gero uda atseden hartzeko eta Belgikara joateko dirua ateratzeko aprobetxatuko dut. Belgika handienen sorterria da, eta bertan asko ikasi nahi dut".