Berbaz alkarteak Gabonetako egitaraua aurkeztu dau

Orozkoko Berbaz Kultura Alkarteak Gabonetako egitarauaren barruan antolatutako ekitaldiak egiten dabil asteon. Gaur, esaterako, Zeanuriko Teatro Taldeak "Ordubete Gerbasiogaz" antzezlana eskainiko dau. Betiko moduan, Berbaz-en ekitaldiak euskeraz dira, eta aurten bertsolaritzeak garrantzi handia dauka, alde batetik eguenean "Bertsolari" filma eskainiko daurielako Donibane Aretoan arrasteiko zazpi eta erdietan, eta bestetik, leku berean baina barikuan, bertso-saioa egingo dalako. Saioan hiru bertsolari ibiliko dira kantetan: Etxahun Lekue larrabetzuarra, Jone Uria getxoztarra eta Izar Mendiguren laudioarra.