Aurki erabilgarri izango da Orozkon jarri berri duten oinezkoen zaldaina
Irudiak
Orozkoko Andra Mari eta Ibaiondo kaleak Altube ibaia gainetik lotuko dituen oinezkoen zaldainaren lanak aurrea doaz. Egurrezko egitura abenduaren 23an ezarri zen eta urteko lehen hilabeteetan, urtarrilan bertan seguruenik, erabilgarri egongo dela iragarri du Orozkoko Udalak.
Orozkoko Zubiaur auzoan, Andra Mari kalearen inguruan, sortu berri den etxebizitza gunea, ibaiaz beste aldera dauden azpiegiturekin, eskola eta kiroldegiarekin, besteak beste, lotzeko ekimena da hau.
EAJk 2011 urterako aurrekontuan aurreikusita utzi zuen proiektu honek, 72.000 eurotako gastua eragingo du, BEZ barik. Egurrezko egiturak 25,60 metroko luzera izango du eta 2,5 metroko zabalera.
Zaldaina ezarri zeneko argazkiak blog honetan ikus daitezke: "Las miradas de Jose Asensio Larrinaga".
Gehitu iruzkin bat