Andoni Agirretxe Laudioarra da gazte mailako Bizkaiko tenis txapelketako garailea
Irudiak
Aurtengo gazte mailako Bizkaiko tenis txapelketako garailea izan da 16 urte besterik ez dituen Andoni Agirretxe. Txikitatik tenisean dabilen Laudioarrak Getxon jokatu zen txapelketa eskuratu zuen finalean 6-1 eta 6-1 irabazi ondoren.
Andonik tenisean bere lehenengo urratsak Laudio Tenis Club-ean egin zituen 10 urte zituelarik, bertan bi denboralditan entrenatu zen. Gaur egun, Getxoko Tenis Fadura Club-ean prestatzen da Oscar Vianaren esanetara.
Iaz Euskal Herriko, Nafarroako, Kantabriako eta Errioxako tenislarien arteko txapelketan parte hartu zuen irabazle bilakatuz bai absolutu-mixto mailan, bai kadete maskulino mailan. Gainera, iaz oraindik kadetea zelarik XXX Fadura Trofeoa, VI San Juan Txapelketa eta II Ibercaja Gazte-txapelketa irabaztea ere lortu zuen.
Gazte mailako Bizkaiko tenis txapelketa irabaztean, Andoni Agirretxe automatikoki sailkatuta dago maiatzaren amaieran Gasteizen jokatuko den gazte mailako Euskal Herriko txapelketan aritzeko.
Gehitu iruzkin bat